| تبليغات | X |
 |
تبریز سسی :
اوچ رنگیلی بایراقدا حیات نغمه سی واردیر
آزادلیقا،چاغداشلیغا عوصیان سسی واردیر
ظولمت سینه سین یارماغا شیمشک کیمی قیزمیش
رنگی قارا آی اولدوزومون شوعله سی واردیر
گوی،ان زیروه لی گویله رده دوران تورکه یاراقلی
چاغداشدا گزه ن خالقیمیزا قیرمیزی باغلی
یاشیل چولوموزده بیتیشن صولحه ماراقلی
اوچ رنگیلی بایراقدا حیات نغمه سی واردیر
رنگی قارا آی اولدوزومون شوعله سی واردیر
آزادلیقا حسرت ائلیمیز ایلله رینندیر
ظولمتله ساواش بو قوجامان دیلله رینندیر
ایستیماری ییخماق بو دفه سئلله رینندیر
اوچ رنگیلی بایراقدا حیات نغمه سسی واردیر
رنگی قارا آی اولدوزومون شوعله سی واردیر
قیندان چیخاجاق پاسلی قیلینجلاردا افندیم
فیتنه،شری بیرده ن ییخاجاق ائلده کمندیم
سن وئرمه آمان دوشمنی نامرده سهندیم
اوچ رنگیلی بایراقدا حیات نغمه سی واردیر
رنگی قارا آی اولدوزومون شوعله سی واردیر
گل ال بیر اولاق دوشمنی نامردی ییخینجا
باس باغریوا قارداشلاریوی دردی سیخینجا
بو تفرقه یه سون قویاراق عومر بویونجا
اوچ رنگیلی بایراقدا حیات نغمه سی واردیر
رنگی قارا آی اولدوزومون شوعله سی واردیر
به به نه گوزه ل بیرلیگه ائل نغمه یاراتدی
دوشمن صفتین بیرلیگیمیز لاپدا ساراتدی
بو بایراقیمیز هم غلبه همده باراتدی
اوچ رنگیلی بایراقدا حیات نغمه سی واردیر
رنگی قارا آی اولدوزومون شوعله سی واردیر
چون شوعله سالیب ظولمتی کوکده ن قوپاراندی
زنجیرلری قیرمیش آلووو یول آپاراندی
دیوانه سئویندیک بو ائله گول آپاراندی
اوچ رنگیلی بایراقدا حیات نغمه سی واردیر
رنگی قارا آی اولدوزومون شوعله سی واردیر
04 /02/1387اوزگور سئویندیک
 |
|
|