| تبليغات | X |
تبریز سسی : ايران آدلانان اؤلکه ده 30 ميليوندان آرتيق تورک توپلومو اسارتده ياشاماقدادير و فارس شؤونيستلري اونون ميللي، مدني ياشاميني محو ائتمک ايسته ييرلر. ميللي موجاديله ميز ميللتيميزي بو دورومدان خلاص ائتمک و اونو دونيا سويه سينده باشقا ميلتلر سيراسيندا اؤزونه لاييق اولان يئري تاپماق اوچوندور.
دونيانين بؤيوک بير حيصه سي، گونئي آذربايجانين آدييلا تانيش اولمايان حالدا اونو تانيتديرماق و تاپدالانميش حاقلاريني مودافيعه ائتمک چوخ چتيندير.
بؤيوک تورک ميللتي نين هله ده اسارتده قالان حيصه سي، گونئي آذربايجانليلاري، دونيا سوييه سينده تانيتديرماق اوچون ميللي سيمگه و اونون يارانماسي اولدوقجا واجيبدير.
بوردا شخصي سليقه لر يوخ بلکه هر شئيدن اؤنملي واحيد بير سيمگه نين اطرافينا توپلاشماق اولدوقجا ميللي حرکتيميزه گوج و گوونج يارالداجاق.
بيز بريتانييادا ياشايان گونئي آذربايجانليلار اؤز شخصي سليقه ميزي کنارا قوياراق، اينانديغيميز، ميللتيميزين قورتولوش يولوندا موباريزه نين گوجلنمه سي اوچون، ايچريده سئچيلميش سيمگه يه ( 3 رنگلي آذربايجان بايراغي؛ قارا آي اولدوزلا) سس وئريريک و بونا اينانيريق کي اورکدن ميللي منافعيني اوستون توتان شخصلر و تشکيلاتلار طرفيندن قبول اولونان بو سيمگه بيزي اولدوقجا گوجلنديره جک و دوشمنلريمزي مأيوس ائده جک..
بيز امينيک کي گله جکده گونئي آذربايجاندا چوخ حساس و آغير دوروملار اولاجاق و بوگون اگر بيز ميللي سيمگه اوستونده گوذشته گئديب بير آرايا گله بيلمه سک او زامان گونئي آذربايجانين آغير دوروموندا بو ايش داها چتين اولاجاق.
گلين بو تاريخي فورصتي الدن وئرمه ييب و ميللي سيمگه نين سئچيلمه سينه بيرليکده سس وئرک.
بريتانييا آذربايجانليلار کولتور اوجاغي
British Azerbaijanis Cultural Centre رامين
ياشار اورال آلپاي
تورال ارسين
اؤزر تبريزلي
آتابي آلتان
مسعود ميانالي
و سايير بريتانييادا ياشايان عوضولر و شخصلر.
 |
|
|