| تبليغات | X |
تبریز سسی : اولو آذربايجان تورک ميلتي نين بيلگيسينه!
عزيز ميللتيميز!
نئچه آيدان بري ايلک دفعه "موختصر آذربايجان تاريخي" کيتابيندا سرگيلنميش آذربايجان بايراغي نين "قارا آي-اولدوزلو" سئچه نه گي، آذربايجان ميللي حرکاتي فعاللاري طرفيندن گونئيين ميللي - قورتولوش حرکاتي نين سيمگه سي اولاراق سئچيلميشدير. گونئي آذربايجان قورتولوش پارتيياسي 2008/05/17- جي گونده وئرديگي بيلديريشده بو سيمگه نين کيمليگي حاقدا گرکلي آچيقلاما وئرميش و چوخ تيتيزليکله باغيمسيز ميللي فعاللاريميزين بيليمسل و منطيقسل حرکتلريني ايزله ميشدير.
گونئيده جانلا - باشلا، پان فاشيست فارس رئژيمينه سينه گرن باغيمسيز ميللتچيلر طرفيندن 2008/07/03- ده ياييلان ميللي سيمگه بيلديريشي چوخ آز بير زامان ايچينده، اوفاق- تپه اعتيراضلارا باخماياراق، گئنيش آلاندا تورک ميللتچي و بوتؤوچو قوروم، قورولوش، اولوسال شخصيتلر وريندن آلقيشلانميشدير. قورتولوش پارتيياسي، ايلک بيلديريشده ده، آچيقلاديغي کيمي، گونئيده، هر هانسي دالغالانان، سسلنن، سرگيلنن و چوخونلوغون بيه نيشيني قازانان اولوسال سيمگه لر قارشيسيندا سوروملولوق داشييير و اولوسوموز ايچينده، بو سوروملولوغو سورولمه سينده اؤزونو بورجلو سانير.
قورتولوشا گؤره، بايراق و يا سيمگه تارتيشمالاري نين بير نئچه کيچيک ياناشيم ديشيندا چوخ مدني و گونئي آذربايجان ميللي حرکاتينا ياراشان سويه ده سورمه سي، باشلي - باشينا آذربايجان اوچون بير قازانج اولموشدور. بوگون آذربايجان توپراقلاري ايشغال آلتيندا و ميلتي زورلا فارسلاشديريليرکن، گونئيين سياسي فعاللاري نين انرژيسيني آيريليغا دئييل، بيرليگي ساغلاياجاق نؤقطه لره احتياج واردير. ائله بونا گؤره، گونئي آذربايجان قورتولوش پارتيياسي اولاراق، باغيمسيز فعاللاريميز طرفيندن اؤنريلن ميللي سيمگه ني دستکله مک قراري آلديغيميزي بيلديريريک. اوماريق زامان کئچمه دن و داها چوخ هزينه وئرمه دن "ديلده، فيکيرده، ايشده بيرليگيميز" سياسي موجاديله ده کي پراکتيکيميزه ده يانسيسين. يوخسا فاشيست فارس شووينيزميله تک باشينا ساواشماق بيزي ايسته نيلن آماجا گؤتوره مز.
گونئيده قالديريلان ميللي سيمگه حاقيندا کيفايت قدر اولوملو ياناشيم اولدوغونا گؤره، بو حاقدا گئنيش بيلگي وئرمه يه احتيياج دويمادان، يالنيز6 قونويا توخوناراق عزيز اولوسوموزون ديقتيني قورتولوشون ايلکين بيلديريشينه چکيريک:
1. سيمگه نين ميللي بايراغيميزلا عئيني کيمليک داشيماسي، بوتؤولوک ايدئياسي نين آنلاميدير.
2. سيمگه نين ميللي تشکيلاتلار وريندن دئييل، باغيمسيز ميلتچيلر طرفيندن وئريلمه سي، اونون گئنيش آلاندا اولوملو قارشيلانماسي نين تمل ندنيدير.
3. بير آنلامدا، قارا آي - اولدوز، آغ آي - اولدوزون ضيديدير. بونون آنلامي ايسه، گونئيده باغيملي، قوزئيده باغيمسيز اولدوغوموزدور. بو آپ-آيدين گرچه يي گؤرمه دن، دويغو دونياسيندا بوتؤو آذربايجان خريطه سي جيزانلارلا ايشيميز يوخدور! گونئيده ميللي سيمگه ني قالديرانلارين دوغرو دوشونجه سينه گؤره، بوتؤو آذربايجان آشاماسينا گلينجه، قارا آي اولدوز اؤز ضيدينه چؤنرک آغ آي - اولدوزلو ميللي بايراغيميزلا عئينيلشه جک.
4. گونئيده سئچيلن ميللي سيمگه، هئچ بير بللي تشکيلات طرفيندن اورتايا قويولماميشدير. قورتولوش پارتيياسي، بو سيمگه ني ميللي بايراغيميزلا ياناشي، يالنيز بير سيموول کيمي اؤز سيته لرينده يئرلشديرميش و او سيمگه حاقدا، هئچ يييلنمه ايديعاسي اولماميشدير.
5. بير داها قئيد ائديريک کي، بو سيمگه ايلک دفعه اولاراق 1999- جي ايلده بوتؤوچو يازار و آراشديريجي سويداشيميز، سايين آرازاوغلونون "موختصر آذربايجان تاريخي "کيتابيندا باسيلميش، رحمتلي ا. ائلچي بگين موشاهيده سيندن سونرا "بوتؤو آذربايجان بيرليگي" (باب) طرفيندن گئنيش سايدا ياييلميشدير.
6. اصلينده، گونئيده گئدن دؤولتچيليک اوغروندا ميللي - سياسي حرکاتين کسينليکله بير ميللي سيمگه يه يييلنمه گره گي، سياسي منطيقدن يانا اولان بؤيوک کسيمين اورتاق دوشونجه سيدير. بو اوزدن، سوروملولوغو اوزرينه آلان گنج ميلليتچيلرين بو شرفلي ايشلري، اؤزونو گونئي حرکتچيسي سايان هر کسين ويجدان و بوتؤوچولوک بورجودور.
گونئي آذربايجان قورتولوش پارتيياسي
يؤنه تيم قورولو
2008-08-25
 |
|
|