| تبليغات | X |
تبریز سسی : رومينييا ييغماسي نين کئچميش کاپيتاني و تؤرکیه نين «قالاتاساراي» کلوبونون سابيق مودافيعه چيسي گئورگئ پوپئسکو کومونيست دؤورونده اؤلکه سي نين تهلوکه سيزليک اورقانلاري ايله امکداشليق ائتديگيني اعتيراف ائديب.
معلوماتي « آسوشیتدپرس » آگئنتليگي ياييب.
بوندان 3 گؤن قاباق پوپئسکو بئله ايتتيهاملاري ردد ائتميش و معلوماتي يايان قزئتي «اغ يالان يازماقدا» گوناهلانديرميشدي.
«ونيمنتول زيلئي» قزئتينه وئرديگي موصاحيبه ده ايسه فوتبولچو اعتيراف ائديب کي، «ونيورسيتاتئا کرايووا» کلوبوندا اوينايارکن کوماندا يولداشلاري و باشقا همکارلاري هاقدا تهلوکه سيزليک اورقانلارينا دؤرد معلومات اؤتوروب.
41 ياشلي پوپئسکو دئييب کي، 1985- جي ايلده - مرحوم ديکتاتور چاوش اسکو دؤورونده او يالنيز «ميللي ماراقلاري مودافيعه ائتمک هاقدا» سند ايمضالاييب.
فوتبولچو رومينييانين سوسياليست اؤلکه سي اولدوغو دؤورده آتديغي آدديملاريني مودافيعه ائديب. او تلفونلا وئرديگي موصاحيبه ده دئييب کي، « من اؤتوردويوم معلوماتلاردا ياخشي شئيلر يازميشام، همين آداملاري تعريفله ميشم».
چاوش اسکو دؤورونده رومينييانين تهلوکه سيزليک اورقانلاري بين الخالق ياريشلاردا ايشتيراک ائدن يئرلي ايدمانچيلارا گؤز قويور، اونلارين خاريجيلرله صؤحبتلري نين مضمونونو اؤيرنمه يه چاليشيردي.
گونده ليک «ادوارول» قزئتي يازير کي، پوپئسکو 1986- جي ايلدن تهلوکه سيزليک اورقانلاري ايله امکداشليغا باشلاييب و بو امکداشليق 1989- جو ايلده ک – چاوش اسکونون دئوريلمه سينه و کومونيست رئژيمي نين چؤکمه سينه قدر داوام ائديب.
18 ايلليک فوتبولچو کاريراسي دؤورونده پوپئسکو ايسپانيانين «بارسئلونا»، اينگيلتره نين «توتتئنهم»، هوللاندييانين «پسو عيندخوون» کلوبلاريندا دا چيخيش ائديب.
او رومينييا ميللي کومانداسي نين هئيتينده 115 اويون کئچيريب، 16 قول ووروب. همين دؤورده، ميللي کوماندا 3 دفعه دونيا، 2 دفعه ايسه آوروپا چئمپيوناتي نين فينال مرحله سينه وثيقه قازانيب.
پوپئسکو 1997- جي ايلده «بارسئلونا»يا آوروپا کوبوکلار کوبوکونو قازانماقدا دا کؤمک ائديب .
 |
|
|