| تبليغات | X |
تبریز سسی : ايداره چي هئيتي نين نارکوتيک (اويوشدوروجو) قاچاقچيسي اعلان ائديلمه سي نين آرديندان پ.ک.ک، نارکوتيکله علاقه دار يئني بير تشکیلاتلانما مئيدانا گتيردي.
بيرلشميش ميللت لر تشكيلاتي نارکوتيک و اورقانيزه گوناهلارلا موباريزه بوروسو(UNODC)، آوروپا بيرليگي پوليس تشکيلاتي نين (يورو پول) حساباتلاري نين آرديندان آ.ب.ش خزينه ناظيرليگي نين تئررور تشکيلاتي پکک- نين ليدئر هئيتينده ايشتيراک ائدن موراد كاراييلان، علي ريضا آلتين و زوبئير آيداري "خوصوصي اولاراق تعيين اولونموش نارکوتيک قاچاقچيسي" اعلان ائتمه سي اوزرينه پکک- نين نارکوتيکله علاقه دار يئني بير قورولوشلانماغا گئتديگي قارشييا قويولدو. تئررور تشکيلاتيندان موستقيل ياراديلان يئني قورولوشلانماغا "قيزيل آي پارا" آدي وئريلديگي بللي اولوندو.
تهلوکه سيزليک قايناقلاريندان آلينان معلوماتا گؤره، نارکوتيک تيجارتينده کي آکتيو رولو سببييله آ.ب.ش و آوروپا اؤلکه لرين طرفيندن "ان تهلوکه لي مافييا تشکيلاتلانماسي" اولاراق خاراکتئريزه ائديلن و ياخين تعقيبه آلينان تئررور تشکيلاتي پ.ک.ک، نارکوتيک گليرلرينده ياشاديغي بؤحراني آشماق اوچون يئني بير قورولوشلانماغي حياتا کئچيرديگي تثبيت ائديلدي.
آنادولو خبر اژانسي نين يايينلاديغي خبره گؤره، آ.ب.ش خزينه ناظيرليگي نين قراري نين آرديندان، تئررور تشکيلاتي نين اوست سويييه مسئوللاري نين عيراقين شيماليندا ايشتيراک ائدن هاکهورک دوشرگه سينده بير ييغينجاق رئاللاشديرديغي بللي اولوندو. ييغينجاقدا آبش- ين تئررور تشکيلاتينا ايستيقامتلي نارکوتيک قرارلاري ايله موراد كاراييلان، زوبئير آيدار و علي ريضا آلتينين نارکوتيک قاچاقچيسي اولاراق مال وارليقلاري نين دوندورولماسييلا علاقه دار قرارين اله آلينديغي بيلديريلدي.
آبش- ين بو جهدي سونراسيندا، باشدا آوروپا اؤلکه لري اولماق اوزره ايران، عيراق، سورييا و تورکييه ده تشکيلاتين نارکوتيک تيجارتينه ايستيقامتلي تاثيرلي عملياتلارين آراليقسيز داوام ائتديريلديگينه ديقت چکيلن ييغينجاقدا دانيشان موراد كاراييلانين، "سون دؤورده نارکوتيک فعاليتلري سببييله تشکيلاتين بين الخالق ايجتيماعيتده گوج وضعيتده قالديغيني، نارکوتيک گليرلرينده بؤيوک ائنيش ياشانديغيني، بو ساحه دکي تشکيلاتلانمانين بير چوخ اؤلکه ده دئشيفره اولدوغونو، تشکيلات مسئوللاري نين نارکوتيک سببييله نظارته آلينماغا باشلاديقلاريني ايفاده ائده رک بو سببلرله سورعتله يئني بير تشکيلاتين ياراديلماسي لازيم اولدوغونو" وورغولاديغي قئيد ائديلدي.
ييغينجاقدا، نارکوتيک فعاليتلرينده ياشانان منفيليکلرين خرجيله بيلمه سي مقصدييله، عيراقدا موراد كاراييلانا، سورييادا فئهمان حوسئينه، ايراندا وئدات يولداشا، تورکييه ده ريضا آلتينا، آوروپا اؤلکه لرينده ايسه زوبئير آيدارا باغلي اولاراق فعاليت گؤستره جک "قيزيل آي پارا" آدلي يئني بير قورولوشلانمانين ياراديلديغي اورتايا چيخاريلدي.
"قيزيل آي پارا" آدلي تشکيلاتلانماسي اوچون تخمينن 1 ميليون دوللار پول آيريلديغي، ماليييه مسئوليتينه ايسه تئررور تشکيلاتي نين تاثيرلي آدلاريندان "جوم" کود آدلي جميل باييکين ايجرا ائده جگي بللي اولوندو. نارکوتيک مؤوضوعسونداکي فعاليتلرده "قيزيل آي پارا" آدي نين ايستيفاده ائديله جگي، بو مئيدانا گلمه نين پکک- دن موستقيل بير تشکيلاتميش کيمي فعاليت گؤستريله جگي، مئيدانا گلمه نين گئرچک ايداره چيلري نين گيزلنه رک، دئشيفره اولونماسي وضعيتينده فرقلي آدلارين ايجتيماعيته ائشيتديريله رک تشکيلاتين پردله نيله جگي بيلديريلدي.
نارکوتيک تيجارتي ايله علاقه دار پکک- ه و تشکيلات اوست سويييه مسئوللارينا ايستيقامتلي گوناهلانديرمالاري قبول ائتمه ين تشکيلاتين کاپيتان موراد كاراييلان، آ.ب.ش خزينه ناظيرليگي نين قراري نين آرديندان، "بو مؤوضوعدا تک بير دليل گتيريلمه سي حاليندا پکک- نين بوتون آرخيولريني و گلير قايناقلاريني ايجتيماعيته آچاجاقلاريني" سؤيله ميشدي.
"قيزيل آي پارا" نه يي ايفاده ائدير؟
ب.م.ت نارکوتيک و اورقانيزه گوناهلارلا موباريزه بوروسو طرفيندن نوماييش اولونان موختليف حساباتلاردا، دونياداکي نارکوتيکين باشليجا ايستحصال بؤلگه لري اولاراق "قيزيل آي پارا" اولاراق بللي اولونان افغانيستان، پاکيستان و ايران ايله "قيزيل اوچ بوجاق" اولاراق آدلانديريلان لاوس، تايلاند و بيرمانيا گؤستريلير. حساباتلاردا، ايرانداکي نارکوتيک تاجيرلري ايله ياخين امکداشليق ايچينده اولان پکک- نين، نارکوتيکي "قيزيل آي پارا" اوزريندن سورييا، قيبريس روم سئقمئنتي، يونانيستان، صئربييا، ايتالييا يولويلا غرب آوروپا اؤلکه لرينه چاتديرديغينا يئر وئريلير.
آوروپا بيرليگي پوليس تشکيلاتينين(يورو پول) "آ.ب تئرروريزم وضعيت و مئيللر 2008" باشليقلي حساباتيندا ايسه پکک- نين "نارکوتيک تيجارتي، اينسان قاچاقچيليغي، ساختاچيليق، خراج آلما کيمي موتشککيل گوناه فعاليتلريندن الده ائتديگي ميليونلارلا آورونو سيلاح آليشي و تئررور حرکتلري نين ماليييه سي اوچون ايستيفاده ائتديگي" ايفاده ائديله رک، پکک- نين آوروپا اؤلکه لري اوچون "ان تهلوکه لي مافييا تشکيلاتلانماسي" اولدوغونا ديقت چکيلميشدي .اویرنجی .
